Beethoven Tónleikar (2KLST): https://www.youtube.com/watch?v=P6EdMgtOqIo
Sjá einnig: https://soundcloud.com/user911478883/tracks (dæmi um hljóðrit GE)
Höfundaréttur © Guðmundur Emilsson. Allur réttur áskilinn samkvæmt Bernarsáttmálanum, með viðaukum.
Menntastofnunum er heimilt að nota þessa síðu sé eigenda höfundarréttar getið.
Grein Árna Tómasar Ragnarssonar - birtist í Morgunblaðinu 1.apríl, 2014
Hippocrates; fyrsti forveri minn: Gríski læknirinn Hippocrates,
sem fæddist árið 480 fyrir Krist á eyjunni Kos, er talinn faðir
nútíma læknisfræði. Hann setti fram kenningar um náttúrulegar
orsakir sjúkdóma, sem áður höfðu verið taldir orsakast af reiði
guðanna. Hann átti líka mestan þátt í að gera læknisfræði að
sjálfstæðri fræðigrein. Í dag er hann þó hvað þekktastur fyrir
eiðinn, sem við hann er kenndur, og allir læknar eiga enn að fara
eftir í störfum sínum (þótt sumir geri það nú alls ekki).
Eiðurinn fjallar um starf læknisins og samskipti hans við skjólstæðinga sína og hefur
hann haldist að miklu leyti óbreyttur sem viðmiðun í siðfræði lækna. Kenningar Hippocratesar
voru svo róttækar á hans tíma að vegna þeirra sat hann í fangelsi í 20 ár, en varð þó
næstum hundrað ára gamall og var alltaf að á „læknastofu" sinni og gaf þar með glæst
fordæmi. Forverar Hippocratesar: Hann átti sér marga forvera, sem sumir myndu þó
vart kalla lækna nú á dögum. Hann átti að ýmsa kennara í Grikklandi, sem höfðu lært
af öðrum grískum læknakennurum og svo koll af kolli - öld fram af öld. En læknar höfðu
þó verið til löngu fyrir blómatíma Grikkja. Tuttugu þúsund árum áður voru uppi svokallaðir
seiðkararl í svörtustu Afríku sem læknuðu menn með góðum árangri með því að reka út
illa anda - með særingum og músík. Þeir eru enn að – og þykja góðir.