Dvorák: Stabat Mater

Ísland 1980-90 heimsótt á ný

gamlir tónlistarvinir, hljómsveitir og kórar

Hljóðrit frá þessum árum eru í vörslu RÚV og ekki hlaupið að því að nálgast þau

Því verður látið duga að hlusta á þau via YouTube

Sinfóníuhljómsveit Íslands

og Söngsveitin Fílharmónía

(7.3.2015)

Katrín Sigurðardóttir, Sigríður Ella Magnúsdóttir, Guðbjörn Guðbjörnsson og William Sharp

Matthías þjóðskáld Jochumsson, einkavinur Þórunnar Erlu Valdimarsdóttur skáldkonu, var alltaf að vasast í fornkaþólskum trúarljóðum - en fór dult með það. Matthías þýddi Stabat Mater til dæmis. Maður man bara upphafið: Stóð við krossinn mærin mæra, mændi á soninn hjartakæra (ritað eftir minni) // Sem minnir á annað. Undirritaður hefur alltaf verið að vasast í trúarlegum tónverkum. Hvað veldur? Fyrsta verkið sem menn stjórnaðu upp á eigin spýtur - með kór, einsöngvurum og strengjasveit var Stabat Mater eftir Pergolesi. Það mun hafa 1972/3 /// Johannes Brahms var fremur óhress með Antonín Dvorák og reit sálufélaga sínum henni Clöru Schumann bréf þar um - sem flest eru ekki prenthæf. Dr. Virginia Hancock (sérfræðingur í Brahms) krafðist þess að maður læsi þessi bréf. Svo tók maður próf í þeim // Antonin var bara svo feikilega vinsæll og snöggur að semja músík. Það verður ekki sagt um Brahms // Annars eru þeir báðir snillingar - svo ofangreint skiptir engu máli þegar upp er staðið /// Maður gleymir heldur engu sem AHS deilir með manni. Hann sagði fyrir margt löngu: „Hálf tónlistarsagan byggir á kjaftasögum“. Niðurstaða: Því bera að varast „hana“. Það er móralinn í þessum útúrdúr /// Stabat Mater Dvoráks er dásamlegt tónverk og tilgerðarlaust með öllu. Laust við rembing. Hógvært. Maður man hvern tón. Syngjanlegt. Cantabile!

Heyr YouTube: 

Lesa nánar...