Aðjúnktinn

Aðal-tónleikasalirnir í Eastmann og Bloomington

Í Eastaman Scool of Music var maður strax á fyrsta ári og allt til BM og Meistaragráður gerður að aðstoðarmanni helstu deildarforseta. Þannig var maður aðjúkt í kór- Hljómsveitar- og óperustjórn og að auki aðjúnkt í tónfræðum og tónheyrn. Í Bloomington var doktorskandidatinn aðstoðarmaður forseta kórdeildarinnar (einir 6 kórar af öllum gerðum) og aðstoðarmaður forseta deildar hljómsveitarstjóra (það þurfti að foræfa fimm sinfóníuhljómsveitir). Vænst þótti manni um að vera falið að annast Chamber Singers (einsöngvarakór) og New Music Ensemble öll árin til doktorsprófs. Auðvitað var þetta mikið starf sem seinkaði útskrift - en jók á móti hæfni manns til að takast á við hvað sem helst. Af þessu hafði maður mikla nautn. Doktorsritgerðin var skrifuð á Íslandi ásamt því að stjórna Íslensku Hljómsveitinni, Sinfóníuhljómsveit Íslands, Söngsveitinni Fílharmóníu, Hljómsveit Tónlistarskólans og kenna tónlistarsögu í Tónó og HÍ, auk þess að stjórna óperum í Þjóðleikhúsinu en þar á meðal var Tosca. Og þá er ekki getið útvarpsþátta og reglulegra skrifa í Morgunblaðið.

Og hananú!