Veðufar og músík #1

Jóhannes Birkiland                         

Til er veðurglöggt mannfólk. Til eru veðurglöggar skepnur. Nefnum forystuær. Ekki er vitað með vissu hvort þessi hæfileiki er meðfæddur eða lærður. Eins eru til tónglöggt mannfólk. Sama gildir um það. Ekki er vitað hvort sá hæfileiki er meðfæddur eður lærður.

Ef hann er lærður þarf margt til. Viðkomandi þarf áratuga þjálfun í tónheyrn. Þarf að kunna tónfræði og hljómfræði og tónlistarsöguna alla - svo eitthvað sé nefnt. Þarf að geta greint tónlist í huganum og í þögn og með lokuð augu - eða blindur.

Það gerði Darwin er hann vann að þróunarkenningunni. Það gerði Einstein er hann vann að afstæðiskenningunni. Það hafa helstu snillingar gert frá örófi alda - svo sem Bach, Newton og Mozart. Og þá einnig Sókrates og Platon - svo ekki sé minnst á Jesús.

Þessir menn höfðu allir innri sýn og nýttu til þess öll skynfæri sín og gáfur. Þeir sátu við borð eða fóru út að ganga, hugsuðu og rituðu - eða fluttu boðskap sinn á torgum úti.

Forystuær þurfa ekki að heyra þrumur og sjá eldingar til að rása heim á bæ. Þær bara skynja hættuna.