Námsárin mótandi 

V

Kjartan Ólafsson

Viðtal 2016 - Fyrri hluti

Námsárin mótandi

I.

Skrýtið! Við vitum meira um námsár Fjölnismanna í Kaupmannahöfn en námsár Jesús - hin svokölluðu þöglu ár. Meira að segja Herman Melville vitnar í Jónas Hallgrímsson í einni frægust bók allra bóka; Moby-Dick (1851).

„Sumir kalla þetta merkasta fornleifafund tuttugustu aldar. Hann átti sér stað fyrir rúmlega 50 (+) árum þegar Bedúíni, sem var að gæta fjár, kastaði steini inn í helli og heyrði brothljóð. Inni í hellinum fann hann brotna leirkrukku ásamt bókrollu. Hann hafði fundið fyrsta Dauðahafshandritið sem svo er kallað.“

Ekki er vitað með vissu hvar Jesús lauk doktorsprófi eða frá hvaða háskóla. En er handritin fundust í hellum við Dauðahaf fóru böndin að berast að Essenum. Og líkt og eftir pöntun voru það fjárhirðar af nærliggjandi völlum sem álpuðust til að finna þau - litlir klifurkettir. Nú eru þessi rifrildi varðveitt í (víggirtri) hvelfingu í Jerúsalemborg hvar alþjóðleg hjörð vísindamanna hefur verið að púsla þeim saman - frá því á miðri tuttugustu öld - og eru enn að. Þeir ráku strax augun í brotabrot úr Fjallræðunni Miklu (segjum í C-Dúr sb Schubert). Mattheus ritar: Við settumst í grasið með ilm sumarblóma í vitum og Jesús sat mitt á meðal okkar. Og Jesús sagði: "Sælir eru einlægir í anda. Sælir eru þeir sem ekki eru bundnir af jarðneskum eigum, því að þeir munu frjálsir verða. Sælir eru syrgjendur, því að þeir munu síðar gleðjast. . . .“ Allt bendir til þess að Jesús hafi verið sendur til Essena í gaggó, menntó og háskóla. Hann hafði nefnilega haldið miklar tölur í Musterinu í Jerúsalem yfir háum prestum og bara ybbað gogg þegar þeir mótmæltu málflutningi hans. Ekki bætti úr skák, ef treysta má því sem ritað, að þegar foreldrar drengsins atyrtu hann fyrir að láta sig hverfa í stórborginni, þá ybbaði hann bara meiri gogg - segjanda. Hvaða læti eru þetta? Ég var auðvitað í húsi pabba míns! Foreldrum hans leist ekki á blikuna og sendu hann í heimavistarskóla. Það þurfti að kenna svo gelgju mannasiði og hógværð og fleira  í þeim dúr. Þessi unglingur beinlínis hvarf af sjónarsviðinu. Að loknu doktorsprófi, um þrítugt, byrjaði ballið á ný. Það endaði í krossfestingu. Yfirvaldið óttaðist svona menn og líka Essena. Í öllu falli áttaði þessi óháði söfnuður sig á því að nú væri tímabært að fela skólabókasafnið í hellum við Dauðahaf. Það er hægt að mylja klaustur en ekki hugsun með vængi. Hinn óstjórnlegi ungi doktor frá Nasaret sagði margt er hann tók aftur til máls tuttugu árum eftir hneykslið í Musterinu - en minnist aldrei á betrunarvist í skóla Essena. Öll þau ár eru bara afgreidd almennt talað með orðunum - árin þöglu í ævi Jesús. Meistari Marteinn Luther sagði sig líka úr þjóðkirkjunni og fékk á baukinn frá páfanum í Róm. Og þar við situr. Nú er bara að vona að bylting ML hafi ekki nú þegar étið börnin sín: “ Oft eru miklar vonir bundnar við byltingar, en eftirleikurinn getur verið langdreginn og hryggilegur. Afleiðingarnar eru lengi að koma í ljós. (Þjóðkirkjan finnur fyrir því). Fræg eru þau orð kínverska stjórnmálamannsins Chou En-lai að það væri of snemmt að dæma um áhrif frönsku byltingarinnar . . .“  Skáldið Sigurður Pálsson sagði á meðal vina, að svona hugsanir bæru vott um langtímaskyn.

Mælt er með því að smellt sé á hlekkinn hér fyrir neðan og hlustað

http://www.ruv.is/sarpurinn/ras-1/frjalsar-hendur/20160918

Námsárin mótandi

II.

 „Gyðingar eru mestu óvinir mannkyns.“

Doktor doktor !!

Fyrst um viðbrögð mikilvirts og gáfaðs prests þjóðkirkju við drögum að neðangreindum skrifum. Hann sagði: Minn kæri, ég get ekki sagt neitt við svona ýkjuskrifum sem kemur að gagni - svona fyrirvaralaust og símleiðis - enda er ég að hlusta á stjórnmálaumræður á Alþingi. Presturinn, vinur minn, sagði ekki annað. En hér koma vangaveltur undirritaðs frá mánudegi 26. september sem lesnar voru símleiðis fyrir fjóra presta. Allt var gert til að hvetja menn til umræðna. Yfirleit virkar það ekki á Íslandi. Prestarnir sögðu allir sem einn „no comment“. Það gæta allir sinnar syllu í Þúfubjarginu á Íslandi og dettur ekki í huga að kveðast á við minikölska. Og annað í niðurstöðustíl:  Fulltrúar Almættisins hafa í þúsaldir átt samleið með valdhöfum og verið handbendi þeirra. Aftaka Jóns Arasonar er æpandi dæmi um það - pólítískur glæpur á heimsmælikvarða. Því er prestum nauðsyn á að fylgjast grannt með stundlegu þrasi á Alþingi. 

Löggjafarsamkomunni gæti dottið í hug að stela frá þjóðkirkjunni því sem hún stal frá páfanum og hann stal frá auðtrúa fátæklingum - hinum svokölluðu kirkjujörðum - um land allt. Er ekki upp á teningnum núna að láta þjóðina njóta náttúruauðæfa Íslands en ekki fárra útvalda? Kirkjujarðir, hin feitu brauð, eru náttúruauðæfi þjóðarinnar, fjöll og dalir, laxveiðiár og jarðhiti. Ha?

ÝKJUSÖGUR

Cervantes, Voltaireog Snorri Sturluson - og spámenn og lærissveinar Jesús til að mynda - hófu frægustu ritningar sínar á að fullvissa lesendur um hvað söguhetjur þeirra væru stórættaðar og hámenntaðar  - alveg frá Adam og til konunga í Noregi - allt eftir því sem hentaði hverju sinni. Faðir undirritaðs gerði sér og börnum sínum það til skemmtunar að flytja endalausar niðjatölur Biblíunnar til að skerpa minnið. Ef honum fataðist flugið fengum við krónu í bauk. Svona formála voru ýmist skrifaðir í alvöru - eða í háði. Þá dettur sumum í hug jiddískt máltæki: Þegar mennirnir skipuleggja stundlegan áróður sinn og stefnur og strauma - veltast Guðirnir um af hlátri. 

Dæmi: Cervantes lætur sögupersónu sína halda mikla formála um sitt bláa blóð og menntun í bestu háskólum. Afkvæmi hans, Don Kíóti, er ánægður með sitt - svo ekki sé talað um lærisvein hans Sancho Panza en farskjótur hans var asni. Egla, Grettissaga og forn skrif voru öll og eru ýkjusögur. Halldór Laxness reit ýkjusögur, á bækur og í blöð. Nú vill svo til að þúsundir vísindamanna um víða veröld eru og hafa verið að skrifa lærðar bækur um þessi ýkjurit okkar manna - og gera sér það að góðu - öfugt við presta.

Við eigum tvo bræður á Íslandi á vorri tíð sem tala í gjallarhornið gríðarlega á helgum dögum og boða nýtt fagnaðarerindi (sic). Annar er ávarpaður „tvöfaldur doktor í Marteini Lúther“ (hér eftir Marlútur til að spara internetið - af því hann kunni á lútu). Doktor doktor er augljóslega mun menntaðri en skjaldsveinninn - sem er allur minni að vöxtum í fræðunum, og gæti kallast Panza meðreiðarsveinn og skjaldsveinn. Panza lítur mjög upp til riddara síns og hlustar agndofa á endalausar ræður hans - ýkjsögur - sem í senn eru alvarlegar og fyndnar - líkt og allar góðar bókmenntir.

Á meðal þess sem doktor doktor boðar er að Marlútur hafi verið „spámaður“ og meðreiðarsveinar hans og meyjar „lærisveinar.“ Það munar um minna. Dr. Páll Ísólfsson var ekki doktor - bara heiðursdoktor og þótti góður. En hugtakið doktor doktor virðist eiga upp á pallborðið um þessar mundir - amk í RÚV.

Meðreiðarsveinn doktors doktors ærist alveg í svo virðulegum félagsskap - tvíeflist -líkt og hann gangi á háum hælum.

Fyrir um 20 árum létu sumir í ljós þá skoðun í útvarpsráði að það væri tímabært að efna til útvarpsþátta á helgum dögum um helstu trúarbrögð heims! Tillagan var felld með öllum greiddum atkvæðum hreppstjórasona sem vildu sitja áfram á Alþingi og koma málum kjósenda sinna í höfn. Bannað að móðga þá. Þótti þessi dagskrárhugmynd nánast guðlast en örugglega fyrra. Síðan hafa turnar og torg verið sprengd í loft upp um víða veröld og menn alveg blindir á ástæður þess ófagnaðar. Öll framandi trúarbrögð voru og eru talin grunsamleg ef ekki hættuleg - þótt þau séu í raun meinlaus og hógvær. Fordómar og fáviska hefur ráðið för - og magnast. Fólk veit ekki betur. Rúv hefur brugðist skyldu sinni að upplýsa þjóðina um helstu trúarbrögð heims - alla sína tíð.

Marlútur kunni á lútu og orti sálma - segja Útvarpsbræður. Hallgrímur Pétursson er nefndur helgur maður ef ekki spámaður, St. Pétursson - og kirkja ein á Skólavörðuhæð mikill helgidómur og risastór íkoni reistur í minningu hans. Þá verður sumum spurn. Til hvers og af hverju vorum við að murka lífið úr Jóni Arasyni og afkvæmum hans? Boðaði hann villu eða gera útvarpsbræður það nú?

Heilagur Þorlákur, sem ekki er heilagur lengur í guðfræðideildinni / þjóðkirkjunni, heldur hornreka, safnaði hiklaust - og orti og samdi -  fleiri sálma en Marlútur. Sálmar ML voru 35 að tölu að sögn en Sankti Þorlákur ritað tíðasöng á Íslandi fyrir allar aldir - bókstaflega. En hann var ekki doktor doktor - bara mikilvirkur - og því geta kaþólskir átt hann og Jón Arason.

Útvarpsbræður kvarta undan því að Marlútur sé bendlaður við Germaníu og Kaupmannahöfn. Að það sé bara ekki rétt! 

Sumum er spurn. Hvaðan kom „siðbótin“ til Íslands ef ekki frá Germaníu og Kaupmannahöfn. Ekki frá Tíbet - það eitt er víst!

Nú hafa Útvarpsbræður fengið liðstyrk frá Germaníu, en það er ekki pláss á netinu til að tíunda andleg afrek þeirra gesta.  Þessir spámenn eru báðir doktororar og doktorar í Marlúti og spila kannski á lútu. Útvarpsbræður dá svona nútíma heilagleika og bugta sig og beygja fyrir þeim - í fjölmörgum orðum.

Marlútur ritaði í endalausar ritsmíðar sínar: Gyðingar eru mestu óvinir mannkyns. Sumum hreinlega brá í brún er þeir álpuðust til að lesa þessa setningu í bindi nr. 19 (+/-) af 40 í doðröntum Marlútar - trúðu vart sínum eigin augum. Heilagur Hallgrímur Pétursson sagði aldrei svona ljótt - það best er vitað - og allra síst Jón Arason - er það annars?

***

Svona geta sumir haldið áfram endalaust. En að lokum verður nefnd stund á Skólavörðuhæð í Musteri Sankti Hallgríms Péturssonar - (nefnd í friðþægindaskyni fyrir ofangreint).

Þar birtist Daili Lama og blessaði alla trúarleiðtoga og friðflytjendur á Íslandi. Þeir, allir sem einn, og þá biskup Íslands, ávörpuðu Daili Lama með orðunum: „Yðar heilagleiki“. Það þótti sumum merkasta helgistund Íslands í aldir.

Hinn kaþólski Penderecki (tónskáld frá Pólandi) minnist í Dies Irae fórnarlamba óumburðarlyndis gangvart gyðingum, og samkynhneigðum og öllu öðru drasli sem Adolf vildi losna við. Það tók Penderecki 12 mánuði að velja textabrotin sem mynda þessa ógnvekjandi drápu. Þar á meðal er þessi áhrifamikla en einfalda setning úr pólsku samtímaljóði: „. . . og flétta sem pottormar eltust við í skólanum . . . „

Námsárin Mótandi

III.

Máríuvísur Hróðmars I Sigurbjörnsson, einsöngvari og hljómsveit undir stjórn Maestro Roberts Porcos. IsMus tónleikum þessum var varpað út beint um veröld alla og hlutu einróma lof tónlistarsstjóra á fundi í Genf.

Viðtal 2016